Liberant - Güzə məktub Ft. Mərvan

Skit:
Liberant:
O getmədi əslində. Onu mən öz əllərimlə göndərdim.
O da ili ilə caladı,susdu,ağladı və getdi. Ruhu getmiş birinin cisminnən hesab soruşmayın.Boğaza yığılan canın başqa şansı yoxuydu. Amma o özü bilir. Bilir ki, əslində mənə gəldiyi yoldan dönüb özünə qayıdacaq. O güzdü. Güz öz evinə qayıdacaq...
Körpü:
Liberant:
Ürəyim bağışla məni.
Arxamızca yağışlar gəlir.
Çarə olsun qurağlığımıza.
Dəlilik yaraşır bu ağlımıza.
İllərim bağışla məni.
Arxamızca danışma qəti.
Qırmızı qar yağacaq mənə,
Məndə kənardan baxacam sənə.
Sözlər:
Birinci hissə:
Liberant:
Bir birimizi sildik biz, fərqinə varmadan.
Hər şeyi gizli olan bu insanın, dərdi rəvan qalar.
Sevdiyin eşib çəkir, mən niyə narkoman,
Kimi tanınıram ailəndə axı, bu pis gedər Allaha.
Fəryadımı hiss elə an ba an.
Yazıram ki, sənə çatsın bu olanlar.
Bir damla sənə möhtac qaldım mən,
Çünki, eşqə yanırdım sən su olanda.
Gözümdə yaş danışırdı,
söhbət edəndə baş qarışırdı.
Sevgi ağır yükdü dedin,
mən kimi qəlbində daş daşımırdın.
Özümdə yaşla danışdım,
onunla qururduq başda tanışlıq.
Heçnəyə başlamamışdıq deyə,
biz səninlə hər şeyə başdan alışdıq.
Qonağ çağırdım göz yaşlarını,
elə söhbət etdilər quruyub qaldım.
O sənə görə bizi çağırmır dedilər,
Gözlərini sürməyə buluyub artıq.
Arxanca atdım yığıb hamısın sonra,
öz göz yaşımla yuyunub yatdım.
Sənlə eyni yola buyurulmazdım,
Çünki, məni unutmağın unudulmazdı.
Nəqarət:
Liberant:
Ağla bir gün, gözündə yaş olaram.
Ağlamasan sən əgər, qəlbində daş olaram.
Unutqanam amma mən, sənə yaddaş olaram.
Yalnız olduğun yollarda? sənə yoldaş olaram.
Mərvan:
Ikinci hissə:
Həyat əlini üzdü məndən və məni yıxdı bir bir.
Bu qədər səhvə girib, axrımıza çıxdığ indi.
Səni sevdim zəngin olacam deyə özümə söz verib,
O qədər zənginəmki eşq qəlbimə sığmır indi.
İki aşiq yola gedib amma diyandılar.
Çətinə düşüb çağırmadılar Allahı yardıma.
Mənə səndən heçnə də qalmadı yadigar.
Mən gülə-gülə gəzim küçələri, sən ağla diyar-diyar.
Çarəsizliyi yaşadım mən, heçnə gəlməzkən əlimdən mənim.
Düşünməzdim nə vaxtsa, acınacağlı yazaram sənin nəğməni.
Bağlandı mənim dəftərim, boğmur artığ dərinlər məni,
Mən eşq bağında nübar verən ağacam qəlbimdən dərirlər səni.
Biz səninlə fərqli şəhərlər kimi adət-ənənə ayrı-ayrıdır.
Bizim kimi neçə aşiq de, Sadə gələrək mürəkkəb ayrılıb?
Düz üç aydır səndən uzağda mən haldan-hala düşdüm.
Unutmağ üçün hər yola əl atdım, amma sonda yardan dala düşdüm..